Tampi
Schlag
Horn
Trompete 1
Trompete 2
Posune 1
Posune 2
Sousis
Geschichte
Im Novämber 1990 hend sech es paar Schwarzebacher versammlet om e Guggemusig z’grönde. Ziel eschs gsi, d’Fasnacht d’Schwarzebach weder z’beläbe!
Nochdem nämlech die legendäri Fasnacht im Leue nömme gsi esch, hed de Schötzeverein de Maskeball i Tornhalle verleid. Leider send Bsuecher usblebe. Drom send eusi Gröndigsmetgleder uf d’Idee cho, d’Fasnacht met ere Guggemusig weder frösch zom Läbe z’erwecke.
Eusi Gröndigsmetgleder send gsi:
Pius Flury, Josef Kottmann, Guido Kottmann, Herbert Vogel, Brigitte Schmid, Pia Marbot, Rita Barmettler, Otto Furrer, Astrid Trüssel (heute Bärtsch), Esther Trüssel, Werner Hirsiger, Josef Amrein, Anton Stocker, Beat Stocker, Monika VonWyl, Josef Widmer, Gabi Junod, Philipp Junod, Stefan Imbach, Peter Imbach und Peter VonWyl
Im erschte Johr semmer eusem Name getreu, als Bränte (Milchkanne) ufträtte. So send d’Johr vergange.
De erschti grossi Uftrett esch secher öises 5-jährige Jubiläum gsi. Vor vouem Saal hemmer dörfe d’Metternachtsshow döre füehre. Ou hemmer i dem Johr eusi Fasnachtschleider s’erscht mol sälber gneiht. Vo dem Zytponkt ah esch es ufwärts gange met üs. Rein spelerisch, denn kameradschaftlech hemmers vo de erschte Stond a guet gha metenand. Mer send zomene Verein worde för die Jonge ond die Jongblebnige. Früehner hed mer enand wemmer zor Schuel us cho esch sälte meh gseh, höt trefft mer sech be de Bräntetätscher.
